Семей қаласының әкімдігі мен сауда кәсіпорындарының басшылары макарон, күріш және қарақұмық өнімдерін сатуға арналған 28 меморандумға қол қойды.
Азық-түлік өнімдерінің аймақтық тұрақтандыру қорын басқару жөніндегі комиссияның шешіміне сәйкес қала үшін 100 тонна макарон, 204 тонна күріш, 30 тонна қарақұмық сатып алынды.
Тауарлар белгіленген бағамен сатылады, атап айтсақ: макарон килограм үшін 194 теңге, күріш – 281 теңге, қарақұмық – 290 теңге. Кәсіпкерлік бөлімінде айтылғандай, бұл қадам әлеуметтік маңызы бар тауарларға бағаның негізсіз өсуін болдырмауға мүмкіндік береді.
Семей қаласының акпараттық орталығы