ШҚО Алтай ауданында 535 жаңа жұмыс орны ашылмақ

Шығыс Қазақстанның Алтай ауданында халықты жұмыспен қамту мемлекеттік қолдауды іске асыруға 2021-2025 жылдарға арналған кәсіпкерлікті дамыту жөніндегі ұлттық жоба шеңберінде 81 млн теңге бағытталды. Мемлекет басшысы Қасым-Жомарт Тоқаев Қазақстан халқына жыл сайынғы Жолдауында атап өткендей, 2023 жылдан бастап 100 мыңға жуық жас жұмыспен қамтылатын болады. Мәселен, биыл Алтай ауданында 535 субсидияланатын жұмыс орны құрылып, 30 млн теңгеге 22 грант бөлінеді.

«Өткен жылы азаматтарды әлеуметтік қолдауға ерекше көңіл бөлінді. Әлеуметтік қорғаудың және халықты жұмыспен қамтудың барлық бағыттары бойынша қаржыландырудың жалпы сомасы 1,2 млрд теңгені құрады. Жұмыс берушілердің қатысуымен 6 бос орындар жәрмеңкесі өткізілді. Ауданның ұйымдары мен кәсіпорындарында 797 адам жұмысқа орналастырылды. Мемлекет субсидиялайтын жұмыс орындарына 366 жұмыссыз жұмысқа орналастырылды”, – деді ШҚО Алтай ауданы әкімінің орынбасары Сергей Охременко РСК брифингінде.

Сонымен қатар, еңбек нарығында сұранысқа ие жұмысшы мамандықтарын кәсіптік оқытуға 55 жұмыссыз адам жіберілген. Олар бүгінгі күні жұмысқа орналастырылды. Спикердің айтуынша, бұл бағыттағы шаралардың барлығы биыл да жалғасатын болады.

Leave a Reply

Your email address will not be published. Required fields are marked *