Қарағайлы шағын ауданындағы тұрғын үйлерге инженерлік желілердің құрылысы өткен жылдың қазан айында басталып, осы жылдың 30 тамызда аяқталады. Жоба «Нұрлы жер» мемлекеттік бағдарламасы аясында жүзеге асырылуда. Мердігер – «Фирма Азия» ЖШС. Жобаның жалпы құны 187,911 миллион теңгені құрады. Құрылыс бөлімінің хабарлауынша, жұмыс аяқталуға жақын.
– Жылу желілерінің жалпы ұзындығы – 449 метр. Кәріз желісінің ұзындығы – 409 метр, сумен жабдықтау жүйесінің ұзындығы – 560 м. Жалпы, инженерлік желілер бес үйді қамтиды, деп қалалық құрылыс басқармасында хабарлады.
Семей қаласының ақпараттық орталығы