Бұл туралы білім беру мекемесінің басшыларымен онлайн-кездесуде ШҚО сыбайлас жемқорлыққа қарсы қызметінің алдын алу және парасаттылық басқармасының басшысы Ренат Нәбиев айтып берді.
Жыл басынан бері барлық сыбайлас жемқорлық қылмыстарының 30-ы ШҚО-ға тиесілі. Негізінен білім беру мекемелерінің бас бухгалтерлері бюджет қаражатын ұрлады. Жаңа оқу жылы қарсаңында мектептер мен балабақшалардың басшыларын ЭЦҚ-ны өздерімен бірге ұстауға және мекеменің бюджетін жеке бақылауға шақырады.
– Жаңа оқу жылына мекеме басшылары сыбайлас жемқорлыққа қарсы іс-қимыл жоспарын әзірлеп, бекітуі керек. Бұдан басқа, білім беру бөлімі 9 айдың қорытындысы бойынша білім беру мекемелерінің қызметінде сыбайлас жемқорлық тәуекелдеріне жүргізілген ішкі талдау нәтижелерін жіберуді сұраймын. Сіздің жұмысыңызды талдағаннан кейін біз қорытынды жасаймыз, – деді Ренат Нәбиев.
Кездесуде сондай-ақ сыбайлас жемқорлыққа қарсы іс-қимыл туралы Заңға өзгерістер мен толықтырулар енгізілгені атап өтілді. Атап айтқанда, енді қызметкерлердің сыбайлас жемқорлық әрекеттері үшін, оқу орындарының басшылары да жеке жауапкершілікте тартылатын болады. Сонымен қатар, қазір сыбайлас жемқорлыққа қарсы іс-қимыл бойынша шаралар қабылдамағаны үшін де заңда тәртіптік жауапкершілік қарастырылған. Қазіргі уақытта бүкіл облыс бойынша комиссия білім беру ұйымдарының жаңа оқу жылына дайындығын қабылдау жұмыстарын жүргізуде.
Семей қаласының ақпараттық орталығы