ШҚО-да карантин шараларын сақтауды бақылау бойынша күнделікті рейдтер жалғасуда.
27 қаңтарда санитарлық нормаларды бұзу фактілері аймақтың екі қаласында тіркеліп отыр.
Өскеменде рейд 111 нысанда жүргізілді. Нәтижесінде азық-түліктік емес дүкендерде сатушылардың маскасыз қызмет көрсетуі бойынша 4 факті анықталды.
Семейде мониторингтік топтар 190 нысанды тексерді. Оның ішінде күнделікті мониторингпен «жылу картасына» кіретін 73 нысан да қамтылды. Екі ереже бұзу фактісі тіркелді: Қозбағаров, 38 мекен-жайындағы асхананың екі қызметкері маскалық режимді бұзған. Сонымен қатар, рейд барысында 35 автобус қамтылып, конвейерлік әдіспен 678 автобус тексеріліп отыр. Маскалық режимді бұзуға қатысты 28 адамға ескерту жасалды.
Мұндай мониторингтік іс-шаралардың облыс аумағында күнделікті өткізілетінін еске саламыз.