“БІЗДІҢ АСПАН” экологиялық бастамалардың бірінші өңіраралық форумы Шығыс Қазақстан облысында өтуде. Оған экология министрі Зульфия Сүлейменова, ғалымдар, сарапшылар, кәсіпкерлер, экоактивистер, журналистер мен қоғам қайраткерлері қатысуда.
Бұл форумның Өскеменде өтуінің себебі, экология – біздің облысымыздың, қаламыздың халқы үшін өте өзекті мәселе. Мен өзім Шығыс Қазақстан облысының тумасы ретінде халықтың денсаулығы үшін қатты алаңдаймын. Мен ЖЭО салу, газдандыру мәселелерін көтердім. Бүгін өңір тұрғындары өз денсаулығы мен қоршаған ортаны жақсарта алуы үшін ұсынымдар, құжаттар әзірленетін болады. Бұл экологиялық, орман, табиғат қорғау кодекстеріндегі өзгерістерге әкелуі мүмкін, – деді ҚР Парламенті Сенатының депутаты Ольга Булавкина. Ұйымдастырушылардың айтуынша, бұл форум экологияны жақсартудың жаңа тәсілдерін табысты іске асыру үшін мүмкіндіктерді көрсетіп, халықаралық тәжірибені ескере отырып, мемлекет, бизнес және жұртшылық атмосфералық ауаның ластану проблемаларын бірлесіп шешу қажеттігін атап өтуі тиіс.
Форум сессиялары аясында жаңа технологиялық жетістіктерді енгізу перспективаларын, олардың артықшылықтары мен шектеулерін, осы саланы одан әрі дамыту жоспарларын, сондай-ақ Қазақстанды газдандыру мәселелерін, оның ішінде Шығыс Қазақстан облысын газдандырудың мүмкіндіктері мен перспективаларын талқылау жоспарлануда.. Сонымен қатар, ірі өнеркәсіптік қалалардың тұрақты дамуының тұсаукесері жоспарлануда, бұл экологиялық көлікті, таза ауаны және жайлы урбанистиканы білдіреді. Айта кету керек, форумда пленарлық сессиялардан басқа ағаш отырғызу, арт-көрме және экология мәселелері бойынша зияткерлік ойын жоспарланған.