Брифинг барысында аудан басшысы ірі қара мал басының көбейгенін атап өтті. Ауыл шаруашылығы өнімінің жалпы көлемі 26391,5 млн теңгені құрайды. Негізгі капиталға инвестиция екі жарым есеге өскен.
Сондай-ақ, Ділдәбек Оразбаев әлеуметтік маңызы бар азық-түліктердің бағасын ұстап тұру бойынша жергілікті атқарушы органдар қабылдап жатқан шаралар жөнінде де мағлұмат берді.
– Апта сайын демалыс күні біз ауылшаруашылық жәрмеңкесін өткіземіз. Онда әлеуметтік маңызы бар азық-түлік бағасы нарықтық бағадан айтарлықтай төмен, – деді Ділдәбек Оразбаев.
Аягөз ауданының әкімі бейнебақылау камераларының орнатылып жатқандығын да айтты.
– Біз полиция басшылығымен бірлесе отырып, құқық бұзушылық жиі орын алып жатқан көшерлерге мониторинг жүргізіп, онда бейнебақылау камераларын орнаттық. Барлығы 40-тан астам камера қойылды. Қаражат жергілікті бюджеттен бөлінді. Қабылданған шаралар нәтижесінде қаладағы қылмыс саны бірден төмендеді, – деді аудан әкімі.
Ол сондай-ақ, бейнекамераны орнату келесі жылы да жалғасатынын хабарлады. Теміржол бойы өтетін Ақтоғай ауылында 20-ға жуық камераны орнату жоспарлануда.
Семей қаласының ақпараттық орталығы