Облыс тұрғындары мониторингтік топтардың жұмысына жиі шағымданады және талап қояды. Алайда, кәсіпкерлердің өздері санитарлық-эпидемиологиялық нормаларға, ең бастысы, азаматтардың қауіпсіздігіне жауапсыз қарайтыны айқын. Дәл осындай, кемшіліктер «Шығыс–адалдық алаңы» ұйымдастырған рейд барысында «Red bulls» ойын-сауық мекемесінде анықталды. Мекеме іші келушілерге лық толы болғандықтан, тіпті қашықтық туралы сөз айтудың өзі қисынсыз.
Кештің көңілді болғанын, ондағы шудың дауысынан аңғаруға болады. Мұнда демалыс күндері және 22.00-ден кейін жұмысқа тыйым салу туралы бас санитариялық дәрігердің қаулысының екі бірдей тармағы бірден бұзылған. Қонақтар болса, түк білмейтіндей сыңай танытып, аң таң болды.