Шығыс Қазақстан облысының өңірлік коммуникациялар қызметі алаңында ТКШ басқармасы құрылыс, энергетика бөлімінің басшысы Рауан Тұрысбек ағымдағы жылы 30 құрылыс жобасын іске асыруға, сондай-ақ сумен жабдықтау мен су бұруды қайта жаңартуға 8,2 млрд.теңге бөлінгенін жеткізді. Бұл ретте жобалардың жалпы құны-28,5 млрд. теңге.
“Ауылдық елді мекендерді сумен жабдықтаудың 12 жобасын салуға 3,6 млрд теңге бөлінді. Сумен жабдықтау мен су бұрудың 15 жобасын қайта жаңартуға 4,6 млрд теңге бөлінді. 17 жаңа жобаның ішінен 1-еуі Риддер қаласының әкімдігі бойынша конкурстық рәсімдер жарияланған жоқ. Ал 5-мен мердігерлік ұйымдармен шарттар жасалды. Қалған 11-і бойынша мердігерлік ұйымды анықтау үшін конкурстық рәсімдер жүргізілуде”, – деді Рауан Тұрысбек.
Сондай – ақ, ол іске асырылып жатқан 30 бағдарламаның 15-і аяқталуға жоспарланып отырғанын, бұл қосымша 4 мыңнан астам адамды ауыз сумен қамтамасыз етуге мүмкіндік беретінін айтты.
“Жыл басынан бері облыс бойынша сумен жабдықтауға қолжетімділік 98,3% -. құрады. Жоспарланған іс – шаралардың қорытындысы бойынша облыс халқының сумен жабдықтау қызметтеріне қолжетімділігі 2023 жылдың соңына қарай 98,8% – “құрайды”, – деп түсіндірді спикер.