Ел президенті Қасым-Жомарт Тоқаевтың тапсырмасы бойынша жастар кәсіпкерлігін қолдау үшін биыл Қазақстанда жылдық 2,5% жеңілдікпен шағын несиелендірудің жеке тетігі іске қосылды. “Ұсынылған шаралар азаматтарды әлеуметтік қорғау жүйесінің тиімділігін арттыруға, қоғамымызды үйлесімді әрі әділ етуге мүмкіндік береді”, – деді Мемлекет басшысы.
Шығыс Қазақстан облысында “Аграрлық несие корпорациясы”АҚ арқылы өтінімдерді қабылдау басталды. Биылғы жылы өңірде жастар үшін 1 млрд 90 млн теңгеге 218 шағын несие қарастырылған.
Жеңілдетілген кредит беру шарттары мынадай: қарыз сомасы – 5 миллион теңгеге дейін; сыйақы мөлшерлемесі-жылдық 2,5%; қарыз мерзімі – мал шаруашылығын дамыту үшін-7 жылға дейін, бизнестің басқа бағыттары үшін-5 жылға дейін. Кепілмен қамтамасыз етудің болуы міндетті шарт болып табылады. Кепіл ретінде жылжымалы (мамандандырылған техника) және жылжымайтын мүлік қабылданады.
Өтінімдерді қабылдау “Аграрлық кредиттік корпорация” АҚ – Өскемен қаласы, Қабанбай батыр даңғылы, 51 мекенжайы бойынша жүзеге асырылады.
Жастарға микрокредит беру бағдарламасының шарттары туралы толық ақпарат agrocredit.kz
сайтында орналастырылған және телефон мына бойынша: 87010061651 толық ақпарат алуға болады.