Бұл туралы аудан әкімі Григорий Акулов баспасөз мәслихаты барысында айтты.
Оның айтуынша, ауданда мемлекеттік тұрғын үй қорынан тұрғын үй бөлуге кезекте 35 көп балалы отбасы тұр, оның 19-ы Шемонаиха қаласында, 5 отбасы Первомайский кентінде, екі отбасыдан Усть-Таловка, Октябрьское және Рулиха ауылдарында, бір отбасыдан Верх-Уба, Сугатовка, Зевакино, Выдриха, Березовка ауылдарында.
– Шемонаихада қаласындағы алты отбасыға жекешелендіру құқығынсыз тұрғын үй берілді. Ағымдағы жылдың тамыз айында тұрғын үйлері апатты деп танылған және кезекте тұрған көп балалы отбасылар үшін Верх-Уба ауылында 2 жеке тұрғын үй сатып алынды. Екінші жартыжылдықтың басынан бастап екі пәтерлі алты жеке тұрғын үйдің құрылысы басталды. Оларды желтоқсан айында тапсыруды жоспарлап отырмыз.
Сондай-ақ, ағымдағы жылдың маусым айында Шемонаихада «Нұрлы жер» бағдарламасы аясында халықтың әлеуметтік осал топтары мен көп балалы отбасылар үшін сатып алу құқығынсыз жалға берілетін 60 пәтерлі тұрғын үйдің құрылысы басталды, – деді Григорий Акулов.