Семей қалалық Достық үйінде ұлы Абайдың жанкүйерлері ақынның шығармаларын оқып, сүйікті өлеңдерін орындады, ал Абай атындағы театрында жазушының 175 жылдық мерекесінің салтанатты ашылуы өтті. Театр фойесінде келушілер назарына қызықты көрме ұсынылды. Онда Абай заманындағы тұрмыстық заттар мен сирек жәдігерлер ұсынылған. Ашылу салтанатына қала әкімі Ермак Сәлімов және Шығыс Қазақстан облысы әкімінің орынбасары Әлішер Мархабат қатысты.
– Бүгін Семейде біз кеше Нұр-Сұлтан қаласында Қазақстан Республикасының Тұңғыш Президенті Нұрсұлтан Назарбаев пен республиканың Президенті Қасым-Жомарт Тоқаевтың қатысуымен басталған бірқатар іс-шараларды жалғастырамыз. Біз ұлы ақынның жерлестері ретінде бүгін осы бастаманы қолға алып, мерейтойды үлкен концерттен бастаймыз. Бүгінгі Семейдегі іс-шарамен біз барлық аудандар мен қалаларда шараларды бастаймыз. Шығармасы әр қазаққа жақын ұлы жазушының мерейтойына арналған барлық іс-шаралар өте терең идеологияға ие болады деп сенемін, – деді Шығыс Қазақстан облысы әкімінің орынбасары Әлішер Мархабат.
Мерекелік шараға көрермендердің барлығы тегін қатыса алды. Абайдың шығармаларын тамашалауға әр жастағы көрермендер келді. Бұл кеште театр әртістері Абайдың өмірі мен шығармашылығы туралы спектакльдер қойып, танымал қазақстандық әртістер өздерінің үздік туындыларын ұсынды. Театр сахнасынан белгілі суретшілер Медет Чотобаев, Жұпар Ғабдуллина, Ерлан Рысқали, Гүлмира Сарина, «Аңсар» вокалды тобы, сонымен қатар Шығыс Қазақстан облысының шығармашылық топтары мен солистері орындаған әндер шырқалды.
Семей қаласының ақпараттық орталығы