Ақпараттық орталықтың брифингінде Шығыс Қазақстан облысы Ұлан ауданының әкімі Ренат Құрмамбаев биыл Қасым Қайсенов кентінде бір ауысымда 150 келушіні қабылдай алатын емхана салу жоспарланып отырғанын хабарлады. Жобаның жалпы құны 2,6 млрд теңге, 2023 жылға жоспарланған қаржыландыру көлемі – 700 млн теңге.
“Медициналық білімі бар мамандарды тарту жұмыстары жалғасуда. Өткен жылы ауданға 3 дәрігер, 20 орта медицина қызметкері келді. 15 дәрігер мен 18 медбике біліктілігін арттырды. Аудандық аурухананың өз қаражаты есебінен дәрігер п.К. Такибаевтың Офтальмология бойынша резидентурасына оқыту жүргізілуде, 13 дәрігер “Дипломмен ауылға” бағдарламасы аясында жалпы сомасы 58,4 млн теңгеге тұрғын үй сатып алуға бюджеттік несие алды. 2023 жылы медициналық қызмет сапасын жақсарту бойынша біліктілігін арттыру мақсатында 22 дәрігер мен 23 орта медицина қызметкерін оқыту жоспарлануда”, – деді Ренат Құрмамбаев.
Сонымен қатар, ағымдағы жылы Желдіөзек, Отрадное, Макеевка, Казачье, Сарыөзек ауылдарында медициналық пункттер салу жоспарланған.
“Сонымен қатар, көрсетілетін медициналық қызметтердің сапасын жақсарту үшін флюрография аппаратын, ЭКГ тәуліктік мониторингін, УДЗ аппараты үшін қосымша датчиктерін жақсарту, Асубұлақ кентінің дәрігерлік амбулаториясын күрделі жөндеуге ЖСҚ әзірлеу, Привольное ауылының дәрігерлік амбулаториясына ағымдағы жөндеу жүргізу, оториноларинголог, акушер-гинеколог, орта медицина қызметкерлерін шақыру талап етіледі”, – деп атап өтті спикер.
Сонымен қатар, 2022 жылы өңірде қатерлі ісіктер мен қан айналымы жүйесінің ауруларынан сырқаттанушылық пен өлім-жітім көрсеткіштері өсті. Туберкулезден болатын өлім-жітім азайды.
“Өткен жылы нәресте өлімінің 7 жағдайы тіркелді, ана өлімі тіркелген жоқ”, – деп қорытындылады Ұлан ауданының әкімі.